കോട്ടയം ജില്ലയിലെ കാഞ്ഞിരപ്പള്ളിയിൽ ജനനം. മാതാപിതാക്കളോടൊപ്പം ഇടുക്കി ജില്ലയിലെ കുടിയേറ്റ ഗ്രാമമായ മാങ്കുളത്തേയ്ക്കാണ് ആദ്യയാത്ര. ഹൈസ്കൂൾ വിദ്യാഭ്യാസത്തിനുശേഷം ഉപരിപഠനത്തിനായി യാത്ര കോഴിക്കോട്ടേയ്ക്കും മൈസൂരിലേയ്ക്കും നീണ്ടു. കാലിക്കറ്റ് മൈസൂർ യൂണിവേഴ്സിറ്റികളിൽ നിന്നായി ചരിത്രത്തിലും, നിയമത്തിലും ബിരുദവും പി ജി ഡിപ്ലോമയും നേടി. 1999 മുതൽ കോഴിക്കോട് ബാറിൽ അഭിഭാഷകൻ. മകൻ, സ്കൂൾ വിദ്യാർത്ഥിയായ ആനന്ദ് ജോൺ. കോഴിക്കോട്ടെ പൗരാവകാശ, ജനകീയ, പരിസ്ഥിതി, വിദ്യാഭ്യാസ പ്രവർത്തനങ്ങളിലെ സജീവമായ ഇടപെടലുകളിലൂടെ ശ്രദ്ധേയൻ. യാത്രയെന്ന മുഖ്യ അഭിനിവേശത്തെ നിരവധിയായ യാത്രകളിലൂടെ സാക്ഷാത്കരിക്കുന്നു. ഇന്ത്യയിലാകമാനവും ഏതാനും വിദേശ രാജ്യങ്ങളിലും സഞ്ചാരിയും പഠിതാവുമായി പലകുറി യാത്രകൾ നടത്തി.