Availability: In stock
ISBN: 978-93-5517-102-3
Author:
Language: malayalam
Format: Paperback
"ആചാരങ്ങളെയും കീഴ്‌വഴക്കങ്ങളേയും അരക്കിട്ടുറപ്പിക്കുകയല്ല പഠന ലക്ഷ്യമെന്നറിഞ്ഞ്, തച്ചുശാസ്ത്രത്തിന്റെ അളവുകോലുകളേയും വൈദ്യ പ്രയോഗത്തിന്റെ ജൈവ-രാസ പ്രവർത്തനങ്ങളെയും ആധുനിക ജീവിത പരസരത്തിൽ വച്ച് ചർച്ച ചെയ്യുമ്പോഴാണ് ഫോക്‌ലോർ ഗവേഷണം സാർഥകമാവുക! അത്തരം ഒരു ഉദ്യമമാണ് ഡോ. പ്രമോദ് ഇരുമ്പുഴി ഇവിടെ നിർവഹിച്ചിട്ടുളളത്. മരുന്നും മന്ത്രവും മിശ്രണം ചെയ്തിട്ടുള്ള നമ്മുടെ പാരമ്പര്യ നാട്ടുവൈദ്യത്തെ കഴിയുന്നിടത്തോളം തിരസ്‌കരണിക്ക് വെളിയിലെത്തിക്കുവാനും ഒരു വൈജ്ഞാനിക ശാഖയായി അവതരിപ്പി ക്കുവാനും നിഗൂഢവത്ക്കരണത്തിൽ നിന്ന് ഒഴിച്ചു നിറുത്താനും അയാൾക്കാവുന്നുമുണ്ട് എന്ന കാര്യം പ്രസ്താവ്യമാണ്." അവതാരിക: ഡോ.എൽ. തോമസ്‌കുട്ടി
പ്രശസ്ത നാട്ടുവൈദ്യനായിരുന്ന ശിവശങ്കരൻ വൈദ്യരുടെയും ശാന്തകുമാരിയുടെയും മകനായി മലപ്പുറം ജില്ലയിലെ ഇരുമ്പുഴിയിൽ ജനനം.ഗവ.എൽ.പി & യു.പി ഇരുമ്പുഴി, ഗവ.ഹയർ സെക്കണ്ടറി സ്‌കൂൾ ഇരുമ്പുഴി, ഗവ.കോളേജ് മലപ്പുറം, കാലിക്കറ്റ് യൂനിവേഴ്‌സിറ്റി ക്യാമ്പസ്, എസ്.എൻ.എം ട്രെയിനിങ് കോളേജ് മൂത്തകുന്നം എന്നിവിടങ്ങളിൽ പഠനം. നാട്ടുവൈദ്യം ഒരു ഫോക്‌ലോർ പഠനം എന്ന വിഷയത്തിൽ കാലിക്കറ്റ് യൂനിവേഴ്‌സിറ്റിയിൽനിന്നും പി.എച്ച്.ഡി. ഉത്തർപ്രദേശിലെ റായ്ബറേലി ജില്ലയിലെ ജവാഹർ നവോദയ വിദ്യാലയത്തിൽ അദ്ധ്യാപകനായി.മലപ്പുറം ജില്ലയിലെ വിവിധ ഹയർ സെക്കണ്ടറി സ്‌കൂളുകളിൽ ഗസ്റ്റ് ലക്ചററായും സ്ഥിരാദ്ധ്യാപകനായും ജോലി ചെയ്തു. ഇപ്പോൾ മഞ്ചേരി ഗവ.ബോയ്‌സ് ഹയർ സെക്കണ്ടറി സ്‌കൂളിൽ മലയാളം അദ്ധ്യാപകൻ. ഇന്ത്യയിലെ ഇരുപത്തഞ്ച് സംസ്ഥാനങ്ങളിലും പതിനേഴ് വിദേശരാജ്യങ്ങളിലും സഞ്ചാരം. ആനുകാലികങ്ങളിൽ എഴുതാറുണ്ട്. കൃതികൾ ഗസ്റ്റ് ലക്ചറർ (കവിതാ സമാഹാരം) സംവാദത്തിന്റെ പുസ്തകം (അഭിമുഖങ്ങൾ) ഔഷധസസ്യങ്ങൾ: ശാസ്ത്രീയ നാമങ്ങളും ചികിത്സാവിധികളും മൽപ്രം ഭാഷ - മൈഗുരുഡ് യാത്രയുടെ കയ്യൊപ്പ് (എഡിറ്റർ)
